Grasalækningar
Grasalækningar eru elsta lækningaaðferð mannsins sem vitað er um. Til eru egypskar heimildir frá því um 1500 fyrir Krist um notkun hvítlauks, einiberja og myrru til lækninga.Grasalækningar er hægt að læra í háskólum í Bretalandi og Bandaríkjum og líkur með B.Sc gráðu.
Fyrsta heimsókn til grasalæknis tekur um klukkustund þar sem farið er ítarlega yfir sjúkrasögu, mataræði og hreyfingu viðkomandi. Í grasalækningum eru lækningajurtir notaðar eins og þær koma fyrir úr náttúrunni, ýmist þurrkaðar eða ferskar. Margar aðferðir eru notaðar til að vinna virk efni úr lækningajurtum og má þar nefna tinktúrur, olíur, ilmolíur, duft, hylki, töflur, te, seyði og smyrsl. Algengast er að grunnurinn sem notaður er til að framleiða vörur úr lækningajurtum sé vínandi, vatn eða olía.
Tinktúrur, te og smyrsl úr íslenskum og erlendum lækningajurtum eru sérblandaðar fyrir hvern og einn.
Grasalækningar hafa öldum saman verið notaðar gegn ýmsum tegundum sjúkdóma. Algengt er að leitað sé til grasalæknis vegna langvarandi veikinda sem illa hefur gengið að ráða bót á með hefðbundnum lækningum. Grasalæknir getur ekki lofað lækningu en margar lækningajurtir eru taldar geta hjálpað til við eftirfarandi sjúkdóma:
- hormónaójafnvægi, svitaköst, óreglulegar blæðingar og fyrirtíðaspenna
- magabólga, magasár, hægðatregða, niðurgangur og uppþemba
- exem, psoriasis, þrálát sár og sveppasýkingar
- liðagigt, vefjagigt og vöðvabólga
- höfuðverkir og mígreni
- streita, kvíði, svefnleysi, þreyta og vægt þunglyndi
- bjúgsöfnun, góðkynja stækkun blöðruhálskirtils, blöðrubólga
- astmi, kvef, hálsbólga, flensa og hósti
- ofnæmi og óþol
Lesa meira: annarosa.is